Aaj fir kisi bachche ko zid karte dekha
Aaj fir khud ke bade hone pe malaal huya
Aaj fir dil ki sunne ki tamanna jaagi
Aaj fir us tamanna ka inteqaal huya
Aaj fir socha kuchh na sochu
Aaj fir iske anjaam ka khayal huya
Aaj fir beparwah hona chahaa
Aaj fir zamane ka mujhse sawaal huya
Aaj fir koi bewkoofi karne chala
Aaj fir maskharo sa haal huya
Aaj fir khwabo ke sikke batorne baitha
Aaj fir toote bikhre khwabo se kangaal huya
Aaj fir aankhein band kar dekhne ki koshish ki
Aaj fir berehem thokaro se badhaal huya
Aaj fir........
No comments:
Post a Comment